O dicionário consta basicamente de 2 ficheiros de texto, o galician.words é unha lista de palabras raices, e o galician.aff é unha lista de regras que se emprega para derivar outras palabras das ditas raices. A partir destes dous ficheiros o próprio ispell elabora un ficheiro con todas as palabras raices+derivadas nun formato próprio, o galician.hash.

Este dicionário usa etiquetas maiúsculas e minúsculas no ficheiro de afixos ( galician.aff), e 8 bits (latin1). A hora de compilar o ispell isto debe ter-se en conta, asi no ficheiro local.h debe:

       incluir:  #define MASKBITS 64
    e eliminar:  #define NO8BIT

Hoxe en dia a maioria das versión binárias de ispell que se distribuen xa foron compiladas asi, e portanto son compatíbeis con este dicionário.

Para saber como foi compilada a sua versión de ispell empregue o comando file, vaia ao directório onde se achen os arquivos *.hash, usualmente /usr/lib/ispell ou /usr/local/lib/ispell, e dixite:

         file *****.hash

onde debe substituir os asteriscos por algun dicionário que teña no seu computador, por exemplo americanmed+.hash ou americanxlg.hash. O resultado será algo semellante ao seguinte:

americanmed+hash: little endian ispell 3.1 hash file, 8-bit, capitalization, 52 flags and 128 string characters

Neste caso non haberia problemas, o ispell está preparado para traballar con etiquetas maiúsculas e minúsculas, e con 8 bits.

Se no resultado puxera: capitalization, 26 flags and 100 string characters, o ispell só entenderá as etiquetas maiúsculas, e o dicionário funcionará a meias, xa que non recoñecerá moitas palabras, mais funcionará. Seria factíbel adaptar o dicionário para que funcionara deste modo.

Se no resultado puxera, 7-bit, o ispell non entenderá as letras acentuadas nen o ñ, e portanto recomenda-se NON empregar este dicionário coa sua versión de ispell.

• A partir do pacote rpm

  rpm -iv ispell-gl-0.x.noarch.rpm

  O pacote ispell-gl-*.noarc.rpm é válido para calquer arquitectura. Na páxina de descarregas inclui-se o pacote ispell-gl-*.src.rpm só como exemplo, para quen se estexa a iniciar nisto de elaborar pacotes rpm.

• A partir do pacote tar.gz
   
  1. Compilar o ficheiro galician.hash. Para isto situe-se no directório onde estexan os ficheiros galician.words e galician.aff, e dixite:
  
   

  buildhash galician.words galician.aff galician.hash

  2. Mover o ficheiro galician.hash ao directório onde se achen os outros arquivos *.hash, usualmente /usr/lib/ispell ou /usr/local/lib/ispell. Para isto cumpre ter permiso de escritura no dito directório.