Polo momento o dicionário ainda non está completo, mais consideramos que xa resulta
útil. O ficheiro de afixos galician.aff, é bastante
completo o que permite que con un número de palabras raices non moi elevado, o corrector
recoñeza un grande cantidade de formas. Asi por exemplo da palabra raiz amor
derivan-se 53 formas verbais distintas, e ademais amador, amadora, amadores, amadoras, amante,
amantes, amábel e amábeis.
- A versión 0.1 inclui 12.744 palabras raices, recoñecendo en total
162.011 formas.
- A versión 0.2 inclui 14.400 palabras raices, recoñecendo en total
185.981 formas.
- A versión 0.3 inclui 15.051 palabras raices, recoñecendo en total
214.328 formas.
- A versión 0.4 inclui 15.011 palabras raices, recoñecendo en total
215.139 formas.
- A versión 0.5 inclui 24.000 palabras raices, recoñecendo en total
515.176 formas.
Os pronomes, ou contraccións de pronomes, átonos enclíticos unen-se ao verbo mediante o trazo. O ispell
con este dicionário recoñece a maioria das formas verbais con pronomes enclíticos, mais non da
recoñecido como válidas as 1ª e 2ª persoas do plural de caisquer tempos seguidos dos pronomes
átonos -lo(s) e -la(s), e tampouco as 1ª persoas do plural seguidas do pronome -nos.
Asi
| non recoñece: |
collemo-lo, collede-las, colleste-los, collíamo-la, colleremo-nos ... |
| si recoñece: |
collé-lo, collin-na, colleche-mo, collerán-cho, collemos-lle, collestes-nos, coller-se,
collias-lles, colleran-vos, colleres-lle-la... |
Da como válidas falsamente as formas collé, andá ... que son necesárias para dar por válidas
(correctamente): collé-lo, andá-los, etc. Consideramos que as formas collé, andá, etc
dificilmente poden ser escritas por erro.
|